Петровис ХХК нь үндэсний томоохон хөрөнгө оруулагч компани бөгөөд бизнесийн чухал салбарт томоохон төслүүдийг хэрэгжүүлэгч юм. Анх 1997 онд шатахуун импорт, түгээлтийн чиглэлээр үйл ажиллагаагаа эхлүүлж байсан бөгөөд өнөөдөр нефть, шатахуун, уул уурхай, дэд бүтэц, санхүү, үйлчилгээ, эрчим хүч, боловсруулах үйлдвэрийн чиглэл  зэрэг стратегийн чухал ач холбогдол бүхий салбаруудаар цар хүрээгээ өргөжин тэлж, групп компанийн хэмжээнд 2000 гаруй ажилтнуудтайгаар хөгжил дэвшлийн төлөө ажиллаж байна.

www.petrovis.mn 

HИК компани 1941онд байгуулагдсан бөгөөд Монгол улсын  нефтийн салбарын анхдагч, тэргүүлэгч компани юм.Манай компани Монгол орны өнцөг булан бүрт буюу Баруун, Зүүн, Өмнөд, Дундад, Хангайн бүсүүдэд нийт 400 гаруй шатахуун түгээх станцтай, төвлөрсөн сум суурингуудад нийт 40 шатахууны агуулах-нефть хангамжийн баазтай, эдгээрийн шатахууны чанарт тогтмол хяналт тавих 11 чанарын хяналтын лабораторитой, олон улсын ISO 9001:2000 стандартыг нэвтрүүлсэн итгэмжлэгдсэн 1 лабораторитой үндсэн үйл ажиллагаагаа явуулж байна

www.petrovis.mn/nic

Петровис карт ХХК нь 2003 онд Монгол улсын нефтийн зах зээлд төлбөр тооцооны дэвшилтэт технологи болох шатахууны картын системийг анх нэвтрүүлсэн компани юм. Одоо  Улаанбаатар хотын НИК, Петровис ХХК-ийн бүх ШТС, Монгол улсын 21 аймгийн төвд, төв зам дагуух 60 гаруй томоохон төв суурин газруудаар нийт 150 ШТС-д картын үйлчилгээгээ хүргээд байна. Тус компанийн ашиглаж буй картын программын систем нь Беларус, Казакстан, Азербайджан, Молдав, Литви, Кипр, Бразил, Алжир, Польш зэрэг улсуудад ашиглагдагддаг бөгөөд олон улсад хүлээн зөвшөөрөгдсөн картын систем юм.

www.petrovis.mn/petroviscard

 Петровис Тос ХХК нь 2004 оноос эхлэн тос, тосолгооны материалын импорт, борлуулалтын үйл ажиллагааг бие даан эрхлэн явуулж байгаа.  Тос, тосолгооны материалын үйлдвэрлэлт, чанараараа дэлхийд тэргүүлэгч АНУ-ын “Ексон Мобил” компаний  албан ёсны дистрибьютерээр ажилладаг. АНУ-ын “Ексон Мобил” компаний бренд бүтээгдэхүүнүүд, ОХУ -ын Ангарск, Омск, Дзержинск, Нижний Новгород зэрэг нефть боловсруулагч үйлдвэрүүдийн төрөл бүрийн автомашин, хүнд машин механизм, үйлдвэрийн тоног төхөөрөмж ийн тос тосолгооны материал, тусгай шингэн зэрэг 70 орчим нэр төрлийн бүтээгдэхүүнийг импортлон борлуулж байна.

www.petrovis.mn/tos

Алтай Холдинг ХХК - тай хамтран тус компанийн Скай Их Дэлгүүрийн худалдааны салбар дахь өнгөрсөн хугацааны туршлага чадвар, үйлчилгээний стандарт, менежментэд тулгуурлан хамтарсан хөрөнгө оруулалттай “Петроскай” ХХК-ийг 2011 оны 09 сарын 15-нд  байгуулсан түүхтэй.

Бид хэрэглэгч та бүхэнтэйгээ үргэлж хамт байж, та бүхний  дэмжлэгээр Петровисын ШТС-ын 16 салбар, хорооллын 12 салбар нийт 28 “Friendly Mart” сүлжээ дэлгүүрийг ашиглалтанд оруулж, амжилттай үйл ажилгаагаа явуулж  байна. 2013 оны эцэст нийт 50 дэлгүүртэй болох зорилт тавин ажиллаж байна.

   Дэд Бүтцийн Яамнаас (хуучнаар) 2004 оны 6 дугаар сард  зарласан  “Нийтийн хэрэгцээнд шингэрүүлсэн нефтийн хийг ашиглах ажил, үйлчилгээ эрхлэх аж ахуйн нэгжийг сонгон шалгаруулах тендер”-т Монголын “Петровис” ХХК болон “Ньютел” ХХК, Японы Сүмитомо Корпораци, Ичитака компанийн консорциум  ялагч болж,  “ЮниГаз” ХХК -ийг 2004 оны 9 дүгээр сард байгуулагдсан. 2005 оноос нийтийн тээврийн хэрэгсэлд автогазын нэмэлт төхөөрөмж суурилуулж, Хий цэнэглэх станц болон Автомашинд хий цэнэглэх гурван станцыг ашиглалтад оруулж, автомашинд хийн түлшийг түгээж эхлэв. 2008 онд БЗД дэх Хий цэнэглэх станцыг өргөтгөж, 500 тонны багтаамжтай болгож, хүчин чадлыг 2 дахин нэмэгдүүлсэн.

www.unigas.mn

Петро Матад групп компани  нь газрын тосны хайгуулын чиглэлээр үйл ажиллагаа явуулж байгаа бөгөөд  Монгол улсын газрын тосны салбарын хэтийн хөгжилд өөрийн хувь нэмрийг оруулахаар ажиллаж байна. Манай компани нь Матад-ХХ, Богд-IV ба Онги-V талбайнууд дээр "Бүтээгдэхүүн хуваах гэрээ"  байгуулж хайгуулын ажил хийх зөвшөөрөл авсан болно. Петро Матад Лимитед нь 2008 оны 5-р сарын 1-ний өдөр Лондонгийн Хөрөнгийн биржид бүртгүүлсэн нь олон улсын хөрөнгийн биржид бүртгэлтэй Монголын эзэмшил давамгайлсан хамгийн анхны компани болсон юм. Монгол улсын  нефтийн салбарын анхдагч, тэргүүлэгч Петровис ХХК манай хамгийн том хөрөнгө оруулагч бөгөөд хоёр дахь томоохон хөрөнгө оруулагч нь Европын Сэргээн Босголт,  Хөгжлийн банк юм. Групп компанийн нийт 53 ажилчид нь дөрвөн хэлтэс, гурван тасагт хуваарилагдан ажиллаж байна.  Петро Матад групп компани эрсдэл хуваалцах, хайгуулын үйл ажиллагааг хурдасгах зорилгоор “фарм-аут”ын үйл ажиллагааг эхлүүлэн хамтрагч хайж байгаа юм.

Матад-ХХ Талбай

Матад-ХХ талбай нь Монгол улсын зүүн бүсэд буюу Улаанбаатар хотоос 850 км зайд хоёр Аймаг, хоёр Сумын нутаг дэвсгэрийг дамнаж оршдог. 2012 онд тус талбайн Бүтээгдэхүүн Хуваах Гэрээг таван жилээр сунгасан. Уг талбай дээр өнөөг хүртэл 44,660 цэгт хүндийн хүчний болон соронзон судалгаа, 3761км 2 хэмжээст болон 133км² 3 хэмжээст чичирхийллийн судалгаа мөн Давсан Толгойн Гүдэн Бүтцэд  өрөмдлөг хийсэн бөгөөд, хайгуулын үйл ажилагаа үргэлжилсээр байна. Матад-ХХ-ийн талбай нь нийт 10,343.15км² болно.

Богд-IV ба Онги-V Талбай

Петро Матад компанийн охин компани болох Сентрал Азиан Петролеум Корпорейшн Лимитед (КАПКорп) компани нь 2009 оны 7-р сард Монгол улсын Засгийн газартай Бүтээгдэхүүн Хуваах Гэрээ байгуулж, Богд-IV, Онги-V хайгуулын талбайнуудад үйл ажиллагаа явуулах зөвшөөрөл авсан. Богд-IV талбай нь 28,900км² ба Онги-V талбай нь 21,100км² болно. Богд IV, Онги V талбай  байрладаг Их Нууруудын Хөндийд өмнө нь газрын тосны судалгааны ажил төдийлөн хийгдээгүй, холбогдох дорвитой мэдээлэл байхгүй байсан ба Петро Матад компани уг нутаг дэвсгэрт эрчимтэй хайгуулын хөтөлбөр хэрэгжүүлэх анхны компани болж байна.

www.petromatad.com

Энержи Ресурс компани нь Өмнөговь аймгийн Цогтцэций сумын нутаг дахь “Ухаа Худаг” коксжих нүүрсний ордод үйл ажиллагаа явуулдаг бөгөөд 2962 га талбай  бүхий, 11952А ашиглалтын тусгай зөвшөөрөл эзэмшдэг.  “Энержи Ресурс” компанийг “М-Си-Эс” групп, “Петровис” ХХК, “Шунхлай” групп зэрэг үндэсний томоохон компаниудын хамтын хөрөнгө оруулалттайгаар байгуулсан бөгөөд дэлхийн 61 оронд үйл ажиллагаа явуулдаг олон улсын санхүүгийн байгууллага болох Европын Сэргээн Босголт Хөгжлийн Банк 2009 онд тус компанийн хувь нийлүүлэгчдийн нэг болсон. Энержи Ресурс компани хэмжигдэхүйц, бодитой бөгөөд ухаалаг бизнесийн загварт үндэслэн Ухаа Худаг уурхайг хөгжүүлж байгаа бөгөөд нүүрс баяжуулах үйлдвэр, 18 мегаваттын цахилгаан станц, авто зам, усан хангамж гээд дэд бүтцийн холбогдох чиглэлүүдэд олон чухал төсөл хэрэгжүүлж, Ухаа Худагийн хөндийд их бүтээн байгуулалтыг өрнүүлж байна.

www.energyresources.mn

Скай резорт ХХК нь Монголд анх удаа дэлхийн жишигт нийцсэн цанын бааз, гольфын талбай барьж байгуулахаар 2008 оноос үйл ажиллагаагаа эхэлсэн. Анхны бүтээн байгуулалт болох Олон улсын стандартын цанын бааз 2009 оны 11 сарын 26-нд үйлчлүүлэгчидээ хүлээн авсан. Тус компани нь цанын улирал болон гольфын улирал гэсэн 2 үндсэн улирлаас хамааран 149 ажилтны бүрэлдэхүүнтэй үйл ажиллагаа явуулж байна.

Цанын бааз

Скай резорт цанын баазын ерөнхий дизайныг  Францын “MAS Limited” компани, хиймэл цасны системийг өвлийн олимпийн түнш Итали улсын “Techno Alpin“ компани тус тус гүйцэтгэсэн. Тус цанын бааз  нэг дор 1300 хүнд, өдөрт 4000 хүнд үйлчлэх хүчин чадалтай (үүнд:Ски хаус 1200, ВИП хаус 100), уулын цана, снөүбоард, гүйлтийн цана, чарганы талбайнуудтай ба Аюулгүй байдлын эргүүл, 300 хүний багтаамж бүхий ресторан, 1000 машины зогсоол, хувцас солих өрөө 480 шүүгээ, анхан шатны эмнэлгийн тусламж үзүүлэх, өндөр зэрэглэлийн сургалт явуулах баг зэрэг үйлчилгээ үзүүлдэг.

Гольфын талбай

Монголд анхны дэлхийн жишигт нийцсэн Championship стандартын 18 нүхтэй гольфын талбайг Скай резорт компани байгуулан 2012 оны 9 сарны 22-нд туршилтаар нээсэн.Уг гольфын талбайн ерөнхий дизайныг АНУ-ын “Golfplan“ компани, усжуулалтын системийг Австралийн “HydroPlan“ компани хийж гүйцэтгэсэн ба ногоон байгууламжийг АНУ, ӨАБНУ, Бразил, ОХУ, Энэтхэг зэрэг оронд ажиллаж байсан чадварлаг мэргэжилтэн Jason Chennault хариуцан ажиллдаг. Гольфын талбайг харж хамгаалах, арчилж тордох, эрүүл байлгах үүрэгтэй 189 хүн байнгын ажлын байртай болж, нарийн мэргэжлийн ур чадвар эзэмшиж байна. Цаашид энэхүү гольфын талбай дээр жил бүр дотоодын болон олон улсын тэмцээн зохиож, хүүхдүүд болон насанд хүрэгчдийн сургалтыг тусгай программаар хичээллүүлж, олимпийн төрөл болох энэхүү спортод амжилт гаргахуйц ирээдүйтэй  гольфын тамирчдыг бэлдэх зорилгоор ажиллана.

www.skyresort.mn

“Ай Ди Өү Эм” компани нь дэд бүтэц менежментийн чиглэлээр олон улсын стандартын дагуу үйл ажиллагаа явуулдаг үндэсний компани бөгөөд газрын тосны бүтээгдхүүнийг хадгалах, түгээх барилга байгууламжийг барих үндсэн чиглэлээр ажиллаж байгаа нь онцлог, давуу тал юм.  2011 онд   “Оюу Толгой” ХХК-ний уурхайн талбай дээр олон улсын стандартыг бүрэн хангасан гарзын тосны бүтээгдхүүний агуулах барьж ашиглалтад оруулан амжилттай хүлээлгэн өгсөн ба одоогоор Улаанбаатар хотын Толгойт дах газрын тосны бүтээгдхүүний агуулахын өргөтгөлийн төсөл,Увс аймгийн Улаангом дах газрын тосны бүтээгдхүүний  шинэ агуулах барих төсөл дээр тус тус ажиллаж байна.

www.idom.mn

Петровис компани  Тэнгэр группын хамтарсан хөрөнгө оруулалтаар 2003 онд байгуулагдсан даатгалын үйлчилгээ үзүүлэгч юм. “Тэнгэр даатгал” нь даатгалын хураамж, хохирол нөхөн төлөлтөөрөө Монголын даатгалын компаниудыг тэргүүлдэг, Тус компани 2004 оноос эхлэн хөдөө орон нутагт салбаруудаа нээн ажиллуулж эхэлснээр 16 аймагт салбар, 300 гаруй даатгалын гэрээт төлөөлөгчтэйгээр ААН, байгууллага болон иргэдэд зориулсан даатгалын бүтээгдэхүүн үйлчилгээг хүргэн ажиллаж байна.

www.primedaatgal.mn

Томас Эйр ХХК нь 2011 онд байгуулагдан бөгөөд өдгөө 3 агаарын хөлөгтэйгээр үйл ажиллагаа явуулж байна. Швейцари улсын Пилатус ПС-6, АНУ-ын Моли М-7, 2010 онд АНУ-д үйлдвэрлэгдсэн Эйр Трактор АТ-602 агаарын хөлгүүдийг худалдан авч, иргэний нисэхийн холбогдох дүрмийн дагуу 2011 оны 6 сараас үйл ажиллагаа явуулж дараах үйлчилгээг үзүүлж байна.

• Түргэн тусламжийн үйлчилгээ
• • ХАА-н зориулалт бүхий авиохимийн нислэг
• • Байгаль хамгаалах авиохимийн нислэг
• • Эрэл хайгуул, аврах үйл ажиллагаа
• • Геологийн эрэл хайгуулын нислэг
• • Аялал жуулчлал, агаараас зураг авах нислэг

Манай агаарын хөлгүүд нь ус болон цастай гадаргуу дээр хөөрч буух тоноглол, алслагдсан орон нутагт хүрч үйлчлэх үүднээс нэмэлт түлшний саваар тоноглогдсон.

www.thomasair.mn